“පිවිතුරු හෙටක්” ජනතා ව්‍යාපාරය සංවිධානය කර තිබුණේ ජාතික හෙළ උරුමයේ අනුග්‍රහයෙනි. ඒ සඳහා වු, විශේෂ සමුළුවක් නොවැම්බර් 01 වන දින සවස 3.00 ට නව නගර ශාලාවේදී පැවැත්විණි. පැමිණීමට අදාල ආරාධනා ලිපියට එහි සංවිධාන කමිටුව වෙනුවෙන් අත්සන් කර තිබුණේ අතුරලියේ රතන හිමි ය. එම හිමියන් විසින් එහි මූලික දේශනය ද පැවැත්විය. අතුරු දේශන සඳහා කතිකයන් විශාල පිරිසක් සම්බන්ධ වී සිටියහ. එ.ජා.ප. ආන්ඩු පාලන කාලයක දී නම් පරිසරය, වන විනාශය, විෂ සහිත පලිබෝධ අසීමාන්තික පරිහරණය, මැරකම්, දූෂණ, අධ්‍යාපනය විකිණීම්, පුද්ගලිකරණය වැනි මාතෘකා මුල් කොට ගෙන පැවති සම්මන්ත්‍රණ, දේශණ, විරෝධතා, පක්ෂ සංවිධාන පිහිටුවීම, සුලභව පැවතිණි. අධිරාජ්‍ය ගැති ධනපති පංතිය ලෙස හඳුනා ගන්නා එ.ජා.ප. ය ඉහත කරුණු වලදී බහු ජාතික ව්‍යාපාරවලට හා ඔවුන්ගේ ඒජන්තයින්ට ගැතිවෙමින් කරන දේශීය ආර්ථික කළමනාකරනයන්ට. නිතරම විරුද්ධ වූවන් වූයේ, ප්‍රභාකරන් පැරද වූ ජාතික බලවේග යැයි හඳුනා ගත් උදවිය විසින්ය. “පිවිතුරු හෙටක්” සමුළුවේ දී කතා කළ කතිකයන් වූ ගුණදාස අමරසේකර, අශෝක අභයගුණසේකර ඇතුළු බොහෝ අය විජාතික නොවන විපක්ෂයක සිටියා යැයි කියන මහින්ද රාජපක්ෂ ඇතුළු ශ්‍රී.ල.නි. පක්ෂය බලයට පත්කරවීමට දැවැන්ත උත්සාහයක් ගත් පිරිසක් විය. සමුළුවේ මුලු දුන්කතාවලට සවන් දීමේදී අපට දිගින් දිගටම සිතුනේ තවමත් එ.ජා.ප. ය වැනි විාජතික බලවේග ආණ්ඩු කරවන බවකි. එහෙත් විටින් විට මෙම රජය රැක ගැනීමේ මූලික උවමනාවන් ගැන අවධානය කිරීම නිසා අපගේ කල්පනාව වෙනස් විය.. සමහරක් වූ ජාතික උවමනාවන් ඉෂ්ට කර ගැනීමට හැකි වුවද (පුභාකරන් ඇතුළු LTTE මර්ධනය) අන් සියළු කරුණුවලදී සන්ධාන ආණුඩුවේ අසමත්කම එහි පරිවාර පක්ෂ හා එයට උදව් කළ අය විසින් ප්‍රශ්න කිරීම ආරම්භ කර ඇති බව ද මෙම සමුළුවේදී පැහැදිළි කරුණක් විය. හිස නැති කවන්ධයක් බවට ආණ්ඩුව පත් වන විට එයට හිසක් දීමේ උවමනාවද මේ හා සමානව ප්‍රකාශ කර තිබුණි. ජාතිකවාදී බලවේග නියෝජනයේ පුරෝගාමියෙක් වූ නලින්ද සිල්වා මෙන්, අද හෙටම ලංකාවට එල්ලවන අධිරාජ්‍යවාදී මිසයිලයක් ගැන නොකීවද ජනතා මිතුරෝ මුල් කාලවල (මීට අවුරුදු 20 කට පමණ පෙර) තිබූ අදහස් නියෝජනයක් තුළින් ජාතික ආර්ථියක් සෑදීම ගැන කතා ද කියවිණි. සංවර්ධනයේ මිත්‍යාව, ප්‍රශස්ත සංවර්ධනය යනු කුමක්ද?ජාතික අධ්‍යත්මයේ නියෝජනයක් ද සහිතව ගොඩ නංවන දේශපාලන අධ්‍යත්මයක් ගැන ද දේශනවලට ඇතුලත් විය. රතන හිමි විසින් පවතින රජය මේ සම්බන්ධයෙන් ඔවුන් ගෙන එන කරුණු සැලකිල්ලට නොගන්නා බව කියමින් තව දුරටත් ප්‍රකාශ කළේ තමන් අකමැති වුවද ජනාධිපති ධූර කාලය දිගු කර ගැනීමේ 18 ආණ්ඩු ක්‍රම ව්‍යවස්ථාවට සන්ධානයක පරිවාර පක්ෂයක් ලෙස තමන් එකඟ වී රාජපක්ෂට දුන් බලයෙන් පසු තමන්ගේ යෝජනාවලීන්ට ද ඔහු ඇහුම් කන් දිය යුතු බවයි. එවිට එකවරම සිහිවූයේ බලය බෙදීමේ සංකල්පයයි. එය මෙතෙක් ජනවාර්ගික ප්‍රශ්නය සම්බන්ධයෙන් වූ කතිකාවේ ප්‍රධාන ප්‍රපංචයක් වුවද බලය බෙදීමට සහමුලින්ම විරුද්ධව ක්‍රියාකළ හෙළ උරුමය මගින්, ජනාධිපතිට තමන් විසින් දුන් බලයෙන් ප්‍රමාණයක් තමන්ට නොදෙන බව ,ක්ෂනිකව කල ප්‍රකාශයයි, රතන හිමිගේ එම පුකාශයේ පදනම් ගත අඩංගුව වන්නේ ආසනික් පුශ්නය නිසා පොළොන්නරුවේ ගොවි ජනයාගෙන් ලක්ෂයක් පමණ දෙනාට වකුගඩු රෝග හා වෙනත් ආසාදන ඇති වුවද කෘෂි රසායනිකවල සයනයිඩ් වැනි විෂ අඩංගු වුවද ඒවා පාලනය කිරීමට හා විකල්ප ගොවිතැන් ක්‍රියාවලීන් සඳහා කිසිදු ජාතික කෘෂිකාර්මික හෝ දේශීයත්ව ක්‍රියාවලියකට රජය අනුකූලතාවයක් නොදක්වන බවයි.
වර්තමාන රජය, රතන හිමි ඇතුළු හෙළ උරුමයට හෝ සන්ධානයේ වෙනත් හවුලේ පක්ෂවල න්‍යාය පත්‍රයන්ට අනුකූලව කටයුතු නොකිරීමට කටයුතු කොට ඇත.. කොටින්ම කියන්නේ නම් ශ්‍රී.ල.නි.පක්ෂයේ පැරණි බහුතර කණ්ඩායම්වල හෝ මතයක් ද මෙම රාජපක්ෂ රෙජීමය නොසලකා ඇත. භාරත ලක්ෂ්මන් ඝාතන සිද්ධියේ දී රාජපක්ෂ රෙජීමය ක්‍රියා කළේ තම බහුතර පාක්ෂිකයන්ගේ මතය ද පොඩි පට්ටම් කර දමමින්ය. රාජපක්ෂට දුන් බලයෙන් සවල්පයක් හෝ නැවත තමන්ටත් බෙදා නොලැබෙන බව දේෂකයන්ට සහතිකය. එහි මෑත කාලීන උදාහරණය නම් ආණ්ඩුවේ මැතිවරණ දූෂණ මැර බලයට සන්ධානය තුළ ඇති පක්ෂ පමණක් නොව රාජපක්ෂ කැමති අපේක්ෂකයන්ට වැඩි මනාප ලබා ගැනීමට ඔහුගේ ද මැදිහත්වීම නිසා ඇතිවන්නා වූ ගැටළුවල ස්වරූපයයි. තව ද ඕනෑම වන රක්ෂිතයක් සංවර්ධනයේ මුවාවෙන් කොල්ලකෑමට රාජපක්ෂවරුන්ට ඇති හැකියාව හා බලයයි. එහි දී පරිසරය වෙනුවෙන් මරාගෙන මැරෙන සටනකට හා සමාන අරගලයන් යූ.ඇන්. පියට කළ හෙළ උරුමය ද අසරණය. දූෂණ විරෝධී විමල් වීරවංශගේ බලය ද රාජපක්ෂවරුන් විසින් අත්පත් කරගෙන ඇත.දෙමළ ප්‍රශ්නයේදී විදේශිකයන්ගේ ගෙරවිලිවලට හෙණ වැදීම සඳහා එළියට වීසිකරන යකඩ මෙන් කො.ප. හා සම සමාජ ඇතුළු වාසුලාට ද දෙයක් කිරීමට බලයක් නැත. එම නිසා වර්තමානයේ දී මේ සියළු දෙනා එක් වී කළ යුත්තේ දෙමළ ප්‍රශ්නයේදි බලය බෙදීම සම්බන්ධයෙන් විරුද්ධ වුවද මහින්දරාජපක්ෂලාට තමන් එකඟ නොවූ, සාමුහික වගකීම වෙනුවෙන් එකඟතා නිසා දුන් බලයෙන් කොටසක් නැවත තමන්ට ද ලබා ගැනීම සඳහා සන්ධානය තුළ සන්ධානයක් සාදා ගැනීමය. උතුරට බලය බෙදීමේ ගැටළුව පසුව ඔවුන්ට සාකච්ඡා කර ගත හැකිය. අස්වයා පැන ගියපසු සතාලය වැසීමට සුදානමි වන සන්ධානයේ පරිවාර පක්ෂ වලින්ඇසිමට ඉතිරිව ඇත්තේ තමන්ව බලයට පත් කල ජාතිවාදී බලවේගවලට ඇහුම්කන් නොදෙමින් නව ලිබරල්වාදයේ “අධිරාජ්‍ය ගැති” යූ.ඇන්. පියටත් වඩා හොඳින් නව ලිබරල්ආර්ථික ප්‍රතිපත්ති ක්‍රියාත්මක කිරීමට හා එහි ප්‍රතිලාභ පවුල් අතර පමනක් බෙදා ගැනීමට සූදානම් වන රෙජීමයකින්, බලයක්පරිවාර පක්ෂ වලට නොබෙ‍ෙදන බව ද?
මැක් පෙරේරා
No comments:
Post a Comment